តាកែវ : នៅថ្ងៃទី៣ ខែឧសភា ឆ្នាំ២០២១នេះ រដ្ឋបាលខេត្តតាកែវ បានសម្រេចបញ្ចប់ការបិទខ្ទប់ និងបើកឡើងវិញនូវភូមិស្នោ ឃុំស្នោ ស្រុកព្រៃកប្បាស ខេត្តតាកែវ ដែលបានសម្រេចបិទខ្ទប់ដោយសេចក្តីសម្រេចលេខ០២៩ សសរ ចុះថ្ងៃពុធ ៣កើត ខែពិសាខ ឆ្នាំជូត ទោស័កព.ស២៥៦៤ ត្រូវនឹងថ្ងៃទី១៤ ខែមេសា ឆ្នាំ២០២១ របស់រដ្ឋបាលខេត្ត។

អភិបាលខេត្តតាកែវ លោក អ៊ូច ភា បានណែនាំអាជ្ញាធរមូលដ្ឋានត្រូវធ្វើការអប់រំ ផ្សព្វផ្សាយ ឱ្យប្រជាពលរដ្ឋនៅក្នុងភូមិស្នោ ឃុំស្នោ ស្រុកព្រៃកប្បាស ខេត្តតាកែវ អនុវត្តឱ្យបានម៉ឺងម៉ាត់តាមវិធានការ ៣កុំ ៣ការពារ" របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសេចក្ដីណែនាំរបស់ក្រសួងសុខាភិបាល៕